Çак конкурса Раççейĕн тĕрлĕ кĕтессенчи чӑваш юрӑçисем хутшӑнчĕç. Муркаш районĕнчи Москакасси ялĕнчи Дарья Макарова та хутшӑнма кӑмӑл турĕ.
«1-мĕш тур çав тери хĕрÿ пулчĕ» - тесе пĕлтерчĕ Даша. Гала-концерта 37 юрӑçран 27 юрӑçа суйласа илнĕ сумлӑ тÿре. Дарья Макарова та весен хушшинче.
Фестиваль - конкурс вĕçленсен сумлӑ тÿре фестивале хутшӑнакансене пурне те дипломсемпе парнесем парса чыс турĕ. Лауреатсен ячĕсене асанма пуçласан вара чи хумхануллӑ самант пуçланчĕ. 1-мĕш степеньлĕ лауреат Дарья Макарова пулса тӑчĕ. Пĕтĕм зал ана тӑвӑллӑн алӑ çупса саламларĕ.
Дипломпа пĕрле Дарья Макаровӑна Чӑваш Республикин культура министрĕ Константин Яковлев кĕсье телефонĕ тыттарчĕ. Наци конгресĕн президенчĕ Николай Угасловпа тÿре председателĕ Валерий Клементьев чечек çыххи тыттарчĕç, çамрӑк юрӑçа малашне те çÿлтен çÿле çĕкленме ӑнӑçу сунчĕç.
Эпир те Дашӑна пысӑк ӑнӑçу тунӑ ятпа чун-чĕререн саламлатпӑр!!! Муркаш районĕнче сакӑн пек маттур та пултаруллӑ юрӑç пурришĕн мухтанатпӑр!
Моргаушский район Чувашской Республики