16:02 27 ноября 2015 г.
Хисеплĕ аннемĕрсем!
Сире Ача амăшĕн кунĕ ячĕпе чун-чĕререн саламлатпăр.
Эсир ачăрсене пурнăç парнелетĕр. Пĕр çакăншăн кăна эпир сирĕн умăрта ĕмĕр татайми парăмра. Эсир вара мĕн ĕмĕр тăршшĕпех вĕсемшĕн çунатăр. Сирĕн иксĕлми ырă кăмăлăр, чун ăшшипе илемĕ, чăтăмлăхăр, çирĕп кăмăлăр умĕнче эпир пуç таятпăр.
Юратнă аннесем! Эсир пĕр канăç курмасăр, ачăрсене пурнăç çулĕ çине кăларассишĕн тимлетĕр. Вĕсем çĕршыва юрăхлă çынсем пулччăр тесе тăрăшатăр. Ывăл-хĕрĕрсене йывăрлăхсене çĕнтерме пулăшатăр, вăй паратăр, хавхалантаратăр. Эсир çемьене килĕшÿ, ăнлану, тулăх пурнăç, телей кÿретĕр. Эсир пуртан эпир телейлĕ.
Эсир ачăрсене тĕрĕс воспитени парса ÿстернипе пĕрлех кулленхи ырми-канми ĕçре те пултаруллă. Тăван район, республика, аталантăр, тăван çĕршывăмăр çирĕп те пуян пултăр тесе чунтан тăрăшатăр. Тавах сире çакăншăн.
Çĕршывра, республикăра ачасемпе ача амăшĕсене пулăшас тĕллевпе нумай ĕçсем тăваççĕ. Çакă ача амăшĕн пĕлтерĕшĕ пурнăçра мĕн тери пысăккине тепĕр хут çирĕплетсе парать.
Сире пурне те çирĕп сывлăх, вăрăм та телейлĕ кунçул, мирлĕ пурнăç сунатпăр. Ачăрсемпе мăнукăрсем сире яланах савăнăç кÿччĕр. Телей шевли нихăçан та сăн-питĕртен ан кайтăр.
Район пуçлăхĕ -депутатсен
районти Пухăвĕн председателĕ И.В Николаев.
Район администрацийĕн пуçлăхĕ Р.Н Тимофеев.
АУ «Редакция Моргаушской районной газеты «Знамя победы» Мининформполитики Чувашии