09:54 13 сентября 2015 г.
Паян 8 сехетре Муркаш районĕнче 51 суйлав участокĕ уçăлчĕ. Ял çыннисем ирлесех сасăлама васкарĕç.
Сасăлава районта пурăнакан 23285 суйлавçă хутшăнмалла.
9 сехетре 525 номерлĕ Октябрь суйлав участокĕнче пултăмăр. Сасăлакан çынсем участокра, чăнах та, йышлăччĕ. Кунта сасăламалли тăватă кабина вырнаçтарнă. Комиссии членĕсем хăйсен те, сасăлама килекенсен те кăмăлĕсем лайăх пулнине палăртрĕç.
- Ирлесех сасăлама килес терĕм, ку вăл пирĕн тивĕç, - терĕ Муркаш шкулĕн учительници Надежда Юлина.
Сасăлав малалла пырать. Ял çыннисем ирлесе сасăлама хăнăхнă. Кайран вара хуçалăхри ĕçсем патне таврăнаççĕ. Кĕркунне вĕт-ха.
АУ «Редакция Моргаушской районной газеты «Знамя победы» Мининформполитики Чувашии