11:59 19 июня 2015 г.
Сывлăха сыхлас ĕçре вăй хуракансем тата çак ĕçĕн ветеранĕсем!
Сире хăвăрăн професси уявĕпе – Медицина ĕçченĕсен кунĕпе чун-чĕререн саламлатăп.
Сирĕн ĕç çав тери яваплă: çĕр çинче чи хакли - çыннăн сывлăхĕпе пурнăçĕ сирĕн алăра. Эсир инкеке лекнĕ çынна вилĕмрен çăлатăр, чирлĕ çынна сыватас тесе тăрăшатăр. Хăвăр ĕçĕре лайăх пĕлнипе пĕрлех сирĕн ырă чун-чĕреллĕ, çепĕç чĕлхеллĕ пулмалла. Мĕншĕн тесен медицина пулăшăвне панипе пĕрлех эсир каланă пĕр ăшă сăмахах çынсене шанăç парнелет, пурăнма вăй парать. Çапла майпа вĕсене часрах сывалма пулăшатăр.
Çав вăхăтрах шур халатлă медицина ĕçченĕ шухăшламасăр каланă пĕр кăнттам сăмахах çыннăн пĕтĕм пурнăçне çапса хуçма пултарать. Ун пек тума юраманнине, хăвăрăн пĕрре те йăнăшмалла маррине асрах тытатăр. Тавах сире пархатарлă ĕçĕршĕн.
Медицина учрежденийĕсем паянхи кун ыйтакан диагностика тата сиплев оборудованийĕсемпе, «Васкавлă пулăшу» машинисемпе пуянланни чире вăхăтра тупса палăртма, вăхăтра пысăк квалификациллĕ пулăшу пама май парать.
Эсир малашне те хăвăрăн ĕçĕре чун-чĕре хушнă пек пурнăçласса, кашни çынпа тимлĕ те ăшă кăмăллă пуласса шанатăп. Çăмăл мар ĕçĕрте çĕнĕ ÿсĕмсем тума ырă сунатăп. Чун илемĕ чирлисем валли те, çывăх çынсем валли те çиттĕрччĕ сирĕн. Хăвăрăн та сывлăхăр çирĕп, кунçулăр вăрăм та телейлĕ пултăр.
Район администрацийĕн пуçлăхĕ Р.Н. Тимофеев
Моргаушский район Чувашской Республики
АУ «Редакция Моргаушской районной газеты «Знамя победы» Мининформполитики Чувашии