16:59 10 апреля 2015 г.
Çитес юн кун пирĕн районта, мĕн пур республикăри пекех, пĕрлехи информаци кунĕ иртет.
Унăн темисем:
- экологи субботникĕсем, Йывăç кунĕн çурхи тапхăрне ирттересси, ялсене, çул хĕррисене, çăвасене тирпей-илем кĕртесси,
- нумай хваттерлĕ çуртсенчи пĕрлехи харпăрлăха тĕпрен юсассин ыйтăвĕсем,
- социаллă пенсие индексацилесси тата федераллă льготниксене 2015 çулхи апрелĕн 1-мĕшĕнчен уйăхсерен паракан тÿлев çинчен,
- çурхи ака-суха ĕçĕсене ирттересси.
Информаци кунне ирттерме района ЧР гражданла оборона тата чрезвычайлă лару-тăру ĕçĕсен патшалăх комитечĕн председателĕ Вениамин Петров ертсе пыракан ушкăн килет. Ушкăн членĕсем район администрацийĕн тата федераци структурисен ертÿçисемпе пĕрле ĕç коллективĕсене çитеççĕ, ял çыннисемпе тĕл пулаççĕ, вĕсен ыйтăвĕсене хуравлаççĕ.
Çак кун граждансене хăйсен ыйтăвĕсемпе район администрацийĕн 308 пÿлĕмĕнче 10 – 10.30 сехетсенче йышăнаççĕ.
Пĕрлехи информаци кунĕ Хорнуй, Юнкă, Москакасси, Шетмĕпуç, Ярапай, Йÿçкасси, Катькас, Оринин, Турай ял тăрăхĕсенче иртет.
АУ «Редакция Моргаушской районной газеты «Знамя победы» Мининформполитики Чувашии