00:00 01 августа 2012 г.
Райхаçат июль уйăхĕнче 4493 экземплярпа кун çути курнă пулсан августра 4629 экземплярпа пичетленме пуçларĕ.
Хаçат тиражĕ çуллен ÿссе пынине палăртма кăмăллă. Апла пулсан вулакансем пире шанаççĕ, ĕненеççĕ.
Райхаçат ĕçченĕсем те парăмра юлас темерĕç. Хаçат калăпăшне ÿстертĕмĕр. Июльтен пуçласа шăмат кунсенчи кăларăм 8 страницăпа (унччен 6 страницăпа) пичетленме пуçларĕ. Икĕ страница хушни вулакан патне ытларах хыпар çитерме, ăна кăсăклантаракан материалсене вырнаçтарма май парĕ.
Вулакансене райхаçата çырăнса илнĕшĕн пысăк тав сăмахĕ калатпăр. Ĕлкĕрейменнисем сентябрь уйăхĕнчен те илсе тăмалла çырăнма пултараççĕ. Паллах çитес çул пирки те ан манăр.
Малашне те пĕрле пулар!
Райхаçат редакцийĕ.