00:00 17 января 2011 г.
Иртнĕ шăмат кун, кăрлачăн 15-мĕшĕнче, Вырăс драма театрĕнче Чăваш пичечĕн кунне анлă паллă турĕç. Унта Чăваш Республикин Президенчĕ Михаил Игнатьев та хутшăнчĕ.
«Çĕнтерÿ ялавĕ» хаçатăн ĕçченĕсенчен çак уявра А. Тихонов тĕп редактор, экономикăпа экологи пайĕн редакторĕ А. Белов, социаллă пурнăç пайĕн редакторĕ Н. Николаева, хаçат операторĕ А. Белова тата О. Суворова корректор, В. Сергеев водитель пулчĕç. Районти пичет ăстисем профессиллĕ уява хавас кăмăлпа кĕтсе илчĕç. Сăлтавĕ – хаçат тиражĕ юлашки çур çул каяллахинчен 353 экземпляр ÿсрĕ. Çапла вара район хаçачĕ паян пĕтĕмĕшле 4275тиражпа тухать. Сăн ÿкерчĕре эсир экономикăпа экологи пайĕн редакторне А. Белова журналистсем хатĕрлес ĕçе пысăк тÿпе хывнă И. Тенюшев тата паян журфака ертсе пыракан А. Данилов профессорсемпе куратăр.