Анатолий Степанов

Ырă çынна пулăшсан ырă ăс кĕрет. Çак тĕллевпе ĕçлеççĕ «ДаАн» чикĕллĕ яваплăхлă общество специалисчĕсемпе ĕçченĕсем. Общество кăçал виçĕ тĕрлĕ çĕр улми лартнă: «удача», «рокко», «снегирь». Вĕсем пурте ăнса пулнă.

– Технологие пăхăнсан ÿсмен тата тухăç паман çĕр улми çук. Çакна кăçалхи ял хуçалăх çулĕ те çирĕплетсе пачĕ, – терĕ апат-çимĕç валли уйăрса хунăн çĕр улмин «рокко» сорчĕн çимĕçĕсене алла илсе асăннă хуçалăх ертÿçи Анатолий Степанов (сăн ÿкерчĕкре).

Сăмах май, «ДаАн» общество кăçал ял çыннисене вăрлăхлăх çĕр улми виçĕ тонна ытла сутрĕ. Вĕсен тухăçĕ çитес çул та пĕчĕк пулмасса шанатпăр.