Валентина Алексеевна Леонтьева

Хăйĕн ĕç ĕмĕрне «Герой» ял хуçалăх производство кооперативне халалланă Валентина Алексеевна Леонтьева пирки хуçалăхра ыррипе кăна асăнаççĕ. 1981 çулта Çĕньял Шурчари сĕт фермине ĕне сума пынă Валентинăшăн кунти ĕç-хĕл ачаллах паллă пулнă. Амăшĕнчен – Праски аппаран – вăрттăн ĕне сума фермăна сахал тарнă-и хĕрача; Çавăнпа Валентина Алексеевна паян пире «Фермăрах çитĕнтĕм» тенинчен тĕлĕнме кирлех-ши; Амăшĕ ĕне Суне çĕрте нумай çул ĕçленĕ пулсан, хуçалăхри тимĕрçĕре ырми-канми вăй хунă ашшĕ Алексей Петрович Степанов та пенсие фермăра хуралçăра ĕçлесе тухрĕ. Çакнсене шутласан тата паян Валентина Алексеевнан мăшăрĕ Анатолий Геннадьевич та асăннă фермăра ĕнесем пăрулакан уйрăмра ĕçленине пăхсан Валентина Алексеевна Леонтьева хăйĕн ĕç вырăнĕнчех.