31 мая 2017 г.
Районти пĕчĕк тата вăтам предпринимательство аталанăвне тишкерме тăрсан, Муркашри 13-мĕш номерлĕ аптекăна та айккине тăратса хăварма çук. Вăл та Муркаш ен çыннисемшĕн пĕлтерĕшлĕ вырăн йышăнать. Çакăнта аптекăра ĕçлекенсен тÿпи те пĕчĕк мар.
Аптекăна эмел туянма пыракансен ыйтăвне юлашки вăхăтра çамрăк хĕр тивĕçтерме пуçларĕ. Ку вăл - Мăн Токшикра пурăнакан Наталья Музыкова. 9 класс хыççăн Шупашкарти медицина колледжĕнче вĕренсе медсестра пĕлĕвне алла илнĕскер, çакăнпа çеç лăпланса ларма шутламасть. Аптекăра менеджер пулса ĕçлекен пике ЧПУра хими факультетĕнче куçăмсăр майпа аслă пĕлÿ илессипе тăрăшать. Хальлĕхе пĕрремĕш курс çеç пулсан та, ума лартнă тĕллев пурнăçланасси пирки Наташăн пĕр иккĕленÿ те çук.
А. БЕЛОВ сăн ÿкерчĕкĕ.