Публикации » Хастар операторсем

01 апреля 2017 г.

Районти ял хуçалăх производство кооперативĕсенче юлашки çулсенче сĕт сăвасси те сумлă утăмсемпе аталанса пырать. Паянхи сăн ÿкерчĕкре эсир "Ударник" ял хуçалăх производство кооперативĕнчи ĕнесене машинăпа сăвакан операторсене куратăр. Вĕсем: Алиса Волковăпа Мурат Булкаев. Хăйсен ĕçне чунĕпе парăннăскерсем районăн обществăлла пурнăçне те активлă хутшăнаççĕ. Çапла вара кăçал Алиса Викторовнăпа Мурат Нугзарович Хĕрлĕ Чутайĕнче иртнĕ республикăри ял хуçалăхĕнче ĕçлекенсен хĕллехи 8-мĕш спорт вăййисенче ÿсĕмлĕ ăмăртрĕç. Хăйсем суйласа илнĕ спорт тĕсĕнче хамăр район командине 6-мĕш вырăна кăларма пысăк тÿпе хыврĕç.

Ĕçре те хастарскерсен тăрăшулăхĕ паян ыттисемшĕн тĕслĕх пулмалли никама та иккĕлентермест.

А. БЕЛОВ сăн ÿкерчĕкĕ