25 мая 2011 г.
Экзамен тытма – Етĕрнене тата Шупашкара
Майăн 27-мĕшĕнче вун пĕрмĕшсем пĕрремĕш пĕрлехи патшалăх экзаменне тытаççĕ: информатика, биологи тата литература предмечĕсемпе. Район администрацийĕн вĕрентÿ пайĕнчен пĕлтернĕ тăрăх çак экзаменсене тытакансен Етĕрне хулинчи 3 " пĕтĕмĕшле пĕлÿ паракан вăтам шкула каймалла пулать.
Июнĕн 3-мĕшĕнче экзамен ют çĕр-шыв чĕлхисемпе иртет. Ку предмета суйласа илнисен Шупашкарти 1 " гимназие çитмелле пулать. Çак кунах Шупашкарти 56 " пĕтĕмĕшле пĕлÿ паракан вăтам шкулта химипе пĕрлехи патшалăх экзаменĕ иртет.
Географипе обществознани предмечĕсемпе экзаменсем Муркашрах иртеççĕ. Вĕсем – июнĕн 10-мĕшĕнче.
Июнĕн 14-мĕшĕнче историпе физика предмечĕсемпе экзамен тытакансен Етĕрне хулинчи 3 " пĕтĕмĕшле пĕлÿ паракан вăтам шкула каймалла пулĕ.
Аса илтеретпĕр, экзаменсем пурте 10 сехетре пуçланаççĕ. Вĕсем мĕн вăхăта тăсăласси предметран килет.
Н. НИКОЛАЕВА.