00:00 25 июля 2012 г.
Район хаçачĕ Е.А. Андреев çуралнăранпа 100 çул çитнине халалласа ирттернĕ «Ĕç Геройĕ Е. Андреев пирки мĕн пĕлетĕр;» викторина итогĕсене пичетленĕччĕ ĕнтĕ. Комисси викторина итогĕсене пĕтĕмлетнĕ май 1-мĕш вырăна Çатракассинчи пĕтĕмĕшле пĕлÿ паракан вăтам шкулта пĕрремĕш çул мар пуçламăш классене вĕрентекен Светлана Васильевна Федоровăна пама йышăнни пирки те хыпарланăччĕ.
Çапла вара Светлана Васильевна Хисеп хучĕпе парнесене кăна мар, Е.А. Андреев çуралнăранпа 100 çул çитнине халалласа ятарласа кăларнă медале те тивĕç пулчĕ.
Çĕнтерÿçĕне саламланă май çавна та каласа хăвармалла. Светлана Федорова ĕçре те тăрăшулăхпа палăрса тăрать. Шанса панă ĕçе яланах ответлăха туйса пурнăçлама хăнăхнă. Çавна май шкул коллективĕнче те, вĕренекенсен ашшĕ-амăшĕсем хушшинче те пысăк хисепре.