00:00 16 мая 2012 г.
Майăн 15-16-мĕшĕсенче Шупашкарта Телевиденипе радио еврази академийĕн вице-президенчĕ, паллă журналист-международник Кипрас Мажейка вырăнти журналистсем валли семинар ирттерчĕ.
Малтанах вăл Раççейри, регионти медиарынокри лару-тăрупа паллаштарчĕ. Массăллă информаци хатĕрĕсем обществăри ытти институтсемпе çыхăнса ĕçлес опыта тишкерчĕ. Журналистсен профессийĕн этики çинче те тĕплĕ чарăнчĕ.
Кипрас Мажейка чикĕ леш енче ĕçленĕ май нумай çĕр-шывра пулса курнă. Кун пирки калани те итлекенсемшĕн кăсăклă пулчĕ.
Семинара пирĕн хаçатăн тĕп редакторĕ Анатолий Тихонов та хутшăннă. Вăл асăннă мероприяти усăллă иртнине палăртать.