00:00 06 декабря 2010 г.
Ялти çынна ĕçпе туллин тивĕçтерессинче килти хушма хуçалăхсене аталантарассине çĕнĕ шая çĕклеме кирлине Раççейре те, республикăра та, районта та лайăх ăнланаççĕ. Çак енпе тĕрлĕ пулăшу ĕçĕсем пурнăçа кĕрсе пыраççĕ. Акă кăçал кăна ĕнесем пĕтĕлентернĕшĕн 9 çын патшалăхран пурĕ 1197 тенкĕ пулăшу илнĕ. Килти икĕ хушма хуçалăха элитăллă çĕр улми вăрлăхĕ туяннăшăн 18 пин те 370 тенкĕ килсе çитнĕ. Апла пулсан ял çыннисем те патшалăх пулăшăвĕпе усă курассине алла илсе пыраççĕ.
Пулăшу тĕсĕсем анлăланни килти хушма хуçалăхсем валли çĕнĕ тĕллевсем уçать. Çак ĕç епле пынине тата умри тĕллевсем пирки, кунти çĕнĕлĕхсем çинчен район хаçачĕ пĕлтерсех тăрать. Иртнĕ шăмат кун, раштав уйăхĕн 4-мĕшĕнче «Кил тата хушма хуçалăх» кăларăмăн черетлĕ номерĕ кун çути курчĕ.