Новости » Уйăхлăх вĕçленчĕ

00:00 22 ноября 2010 г.

Черетлĕ кĕр кунĕсем çитнĕ май сентябрĕн 14-мĕшĕнче район администрацийĕн пуçлăхĕ Ю. Иванов авăн уйăхĕн 15 – юпа уйăхĕн 15-мĕшĕсенче районта йывăç лартассипе тата ялсене тирпей-илем кĕртессипе уйăхлăх ирттерме йышăну турĕ, ĕçсен планне тата йĕркелÿ комиссине çирĕплетрĕ. Уйăхлăхра эрозипе кĕрешес ыйту тĕп вырăнта пулчĕ. Çак тĕллевпе район администрацийĕн ял хуçалăх пайне вырăнсенчи ял тăрăхĕсемпе, ял хуçалăх предприятийĕсемпе тата организацийĕсемпе калаçса татăлса йывăç лартмалли вырăнсене палăртма тата мĕн чухлĕ лартмаллине пăхса хăварма хушнăччĕ.

Комисси членĕсен йышĕнче район хаçачĕн журналисчĕ те

пулни çак уйăхлăха хаçатра анлăн çутатма май пачĕ.

Çанталăк условийĕсене кура уйăхлăх палăртнă вăхăтран та ытларах тăсăлчĕ. Çак тапхăрта районти предприятисемпе организацисем пĕтĕмпе 19060 тĕп йывăç лартса хăварчĕç.